Ystafell gyfarfod newydd, cegin a thoiled cyhoeddus yn y pentref?

Gan fod yr atgyweiriadau adeiladol i dwr Eglwys Sant Cadog yn awr ar fin cychwyn, rydym yn troi ein sylw at godi arian ar gyfer newid y tu mewn i’r eglwys i gynnwys ystafell gyfarfod / cegin yn y rhan i’r chwith o’r prif fynedfa, a thoiled i’r anabl yn rhan waelod isaf y twr.

Bydd yr ystafell gyfarfod yn dyblu fel cegin gyda’r sinc a’r offer yn guddiedig gan gloriau desg / biwrô colfachog. Bydd adeiladwaith yr ystafell gyfarfod yn cynnwys wal solet o bren i’r lefel ddado gyda sgrîn o
wydr uwchben, gan ei rhannu o weddill yr eglwys ac felly’n sicrhau ataliad unrhyw swn fel na ellir clywed
gweithgareddau’r ystafell gyfarfod yn yr eglwys ei hun.

Bydd llofft / galeri dros yr ystafell gyfarfod, gyda grisiau yn arwain i’r llofft a leolir yn erbyn y wal sydd
gyferbyn â’r prif fynedfa. Yn ymgorfforedig yn y llofft / galeri bydd panel o wydr gwydn iawn wedi ei osod yn sownd i’r ffenestr a fydd yn ffurfio wal ochr y llawr uwchben.

Bwriedir gosod i mewn system newydd o wresogi a bwyler yn ogystal ag ail-weiro’r eglwys gyfan.

Bydd y prif ddrysau ffrynt a’r ochr sy’n arwain i mewn i’r eglwys yn cael eu newid er mwyn croesawu’r anabl. Mae’n bosibl y symudir yr organ gan roi organ trydanol llai ei faint yn ei le a leolir ar y wal uwchben
y llofft /galeri newydd, gan arddangos pibau’r organ mawr.

A fyddai eich mudiad yn debygol o ddefnyddio ystafell gyfarfod / cegin a thoiled pe darperir y cyfleusterau yma yn Eglwys Sant Cadog.? Rydym yn ceisio codi arian trwy wneud cais am Grant Pobl a Lleoedd o’r Loteri tuag at gwrdd â chostau’r gwaith yma, ond mae angen prawf arnom y bydd y gymuned yn barod i ddefnyddio’r cyfleusterau yma.

A wnewch chi ysgrifennu llythyr os gwelwch chi’n dda at y Ficer, y Parchg Michael Cottam, Y Ficerdy. Heol Gwallter, Llangadog. SA19 9AE yn ei gynghori ef y buasech yn defnyddio’r ystafell gyfarfod, y gwerthfawrogir yn fawr iawn y ddarpariaeth o doiled gan y gymuned am fod yr eglwys ar agor bob dydd ac am na cheir unrhyw doiled cyhoeddus arall yn y pentref, ac y byddai’r ychwanegiad o’r gegin yn cynyddu’r math o achlysur a digwyddiad y gellid defnyddio’r eglwys iddi. A oes gennych unrhyw awgrymiadau a ddylid eu hystyried gennym ?

Diolch yn fawr iawn i chi,

Cydlynydd Cronfa Atgyweirio Eglwys Sant Cadog.