Gosod Gwybodaeth

Os oes gennych unrhyw wybodaeth yr hoffech ei gynnwys ar Wefan Llangadog yna cysylltwch os gwelwch ch’n dda â chydlynydd / hyrwyddwr y wefan, sef, Peter Berry, ar rif ffôn 01550 - 777980, neu anfonwch e-bost ato - neges@llangadog.com, neu’n hytrach galwch i mewn yn Swyddfa Bost Llangadog (Dydd Mawrth o 10.30 o’r gloch y bore tan 12.00 o’r gloch canol dydd).

Os ydych yn cynnal clwb neu gymdeithas yn ardal Llangadog gellir hyrwyddo eich cyfarfodydd neu’ch digwyddiadau yn ein hadran ar “Digwyddiadau”.

Os ydych yn cadw busnes, neu’n darparu llety, prydau bwyd neu luniaeth yn ardal Llangadog gellir cyhoeddi eich gwasanaethau yn adrannau ein Rhestr Busnesau, Llety neu Bwyd a Diod. Os oes gennych eich gwefan / neu eich cyfeiriad e-bost eich hun eisioes rhowch wybod i ni os gwelwch chi’n dda gan y gallwn ddarparu cysylltiad uniongyrchol â nhw o Wefan Llangadog.

Bydd gwybodaeth newydd a anfonir atom fel arfer yn ymddangos ar y wefan o fewn ychydig ddyddiau.

Peidiwch ag anghofio y gallwch ychwanegu at neu ateb i unrhywbeth a geir ar ein Bwrdd Neges trwy anfon e-bost at neges@llangadog.com. Ychwanegir y negesau yma o fewn 24 awr.

Darperir y gwasanaethau yma ar gyfer lles ein cymuned ac ni chodir unrhyw dâl o gwbl arnoch chi !

Newyddion

Taith i Batagonia Adnewyddiad

Rhagor o Wobrau i Swyddfa Bost Llangadog
Cyflwynwyd gwobr “Busnes Adwerthiant y Flwyddyn mewn Cymuned Annibynnol “ NFRN i Richard a Win Morgan yn y NEC yn Birmingham ar Hydref 20fed. Gweler y lluniau.

Mae’r wobr hon, a roddir yn flynyddol gan Ffederasiwn Cenedlaethol y Gwerthwyr Papurau Newyddion am gefnogaeth a chyfraniad ymroddedig i’r gymuned leol dros ddegawdau ac am ddatblygiad parhaus o ffyrdd newydd i weithredu a chynnal busnes sy’n wir wrth galon ei chymuned.

Yn fwy diweddar, ar y 12fed o Ragfyr, cyflwynwyd hefyd i Richard a Win eu gwobr a’u plac fel Enillwyr Cymru am y Fusnes Adwerthiant Wledig Orau - Y Siop / Swyddfa Bost Orau am 2007. Cyflwynir y wobr hon gan y Cyngor Cefn Gwlad, ynghyd â’r Farmers Weekly a’r Daily Telegraph. Gosodir y plac arbennig yma y tu allan i’r Swyddfa Bost yn y dyfodol agos.

Cyrsiau yn Neuadd Gwynfe
Bydd Ymarferion Ioga yn ail-ddechrau ym mis Ionawr am gost o £15 am gwrs o ddeg wythnos.

Bydd cwrs Cyfrifiadur o fewn y Gymuned yn parhau yn y Flwyddyn Newydd gydag Andrew Sharp.

Am wybodaeth ynglyn â rhain gwnewch alwad ffôn i Ysgrifenyddes Neuadd a Chymdeithas Gymunedol Gwynfe, sef, June Madeira Cole, ar rif ffôn 01550 - 740602.

Cyrsiau Newydd KITE
Fe ddechreuodd cyrsiau newydd KITE ar Ffotograffiaeth Ddigidol ar ddyddiau Iau ym mis Tachwedd. Dysgwch sut i ddefnyddio camera digidol, sut i lawrlwytho eich lluniau i gyfrifiadur, a sut i brosesu ac i’w golygu nhw. Nid oes angen unrhyw brofiad blaenorol arnoch - ac nid oes angen i chi fod yn berchen ar gamera digidol neu gyfrifiadur. Am wybodaeth bellach ac i gofrestru cysylltwch os gwelwch ch’n dda â Win Morgan yn Swyddfa Bost Llangadog.

Hoffwch chi wau?
Pam na wnewch chi ymuno â'n rhwydwaith gwau a bod yn rhan o'r Rhaglen Gwirfoddolwyr Hyn ac Wedi Ymddeol. Bydd cyfle i wneud ffrindiau....Creu eitemau wedi'u gwau i achosion da...Gwau adref neu ymgynnull mewn grwpiau bach....
Ni fydd yn costio ceiniog ichi! Gallwn ddarparu popeth fydd angen arnoch.
Os hoffech ymuno â'r Rhwydwaith Gwau neu helpu i'w gefnogi, cysylltwch â Lynda Hill (Cydlynydd Prosiect RSVP) 01437-768195 neu 07901-551407.

Ystafell Gyfarfod newydd, cegin a thoiled cyhoeddus yn y pentref ?

Tîm Heddlu eich Cymdogaeth Leol
Bydd Tîm Heddlu eich Cymdogaeth leol yn cynnal Syrjeri Cymunedol agored cyson yn Swyddfa Bost Llangadog ar y dydd Mercher 1af a’r 3ydd ym mhob mis rhwng 10.00 o’r gloch y bore a Chanol Dydd, gan ddechrau ar ddydd Mercher, 1af o fis Awst. Pwrpas y syrjeri yw i drafod unrhyw faterion neu bryderon a fydd gennych. Edrychwn ymlaen at eich gweld ac i wrando ar eich sylwadau ynglyn â’ch cymuned.

Hysbysfwrdd

Mae gan y pentref yn awr Hysbysfwrdd newydd ysblennydd a leolir ar y Sgwâr ar y wal y tu allan i Westy’r Castell. Rhywbeth i bawb i dynnu eu llygaid ato ! (Mae’r allwedd ar gael wrth ofyn amdani yn Nhafarn y Castell.)

Ocsiwn Gwynfor Evans yn codi £2500

Darluniau o ymweliad plant Ysgol Gynradd Llangadog i'r Swyddfa Bost ar 21 Tachwedd 2006.

Gwersi cyfrifiadur yn y Swyddfa Bost.

Hen Eitemau Newyddion