Seren Bethlehem

Mae pawb yn siarad amdano, ond beth yw Seren Bethlehem? Ble allwch chi ddod o hyd i wybodaeth amdano? Dyma rai atebion i’ch helpu. Edrychwch ar ein gwefan, ymunwch â’r grwp ‘FACEBOOK’ ar gyfer y wybodaeth ddiweddaraf neu chwiliwch am bosteri a thaflenni yn eich tref chi.

Beth yw Seren Bethlehem?

Rhaglen deledu gyffrous yw Seren Bethlehem. Mae Heledd Cynwal, y gyflwynwraig deledu adnabyddus, yn dilyn grwp o bobl o Ddyffryn Tywi wrth iddynt ysgrifennu, cynhyrchu, llwyfannu, cyfarwyddo, hyrwyddo a pherfformio Sioe Nadolig fyw yn seiliedig ar bentref bychan Bethlehem yn Sir Gaerfyrddin mewn amser byr iawn. Dilynwch y criw yn wythnosol wrth i bethau fynd yn dda, a mynd go chwith!

Sut alla i ddod o hyd i fwy o wybodaeth am Seren Bethlehem?

Mae’r rhaglen yn cael ei hyrwyddo ar S4C ac ar orsafoedd radio ar hyd a lled Cymru. Radio Sir Gâr yw un o’n noddwyr a bydd yn darlledu’r prif storïau a’r wybodaeth ddiweddaraf bob wythnos yn fyw ar y radio ac ar ei wefan. Mae gan Seren Bethlehem grwp Facebook hefyd - ymunwch â’r grwp a rhannwch eich syniadau.

Sut alla i fod yn rhan o Seren Bethlehem?

Mae llawer o ffyrdd y gallwch chi fod yn rhan ohono!

Cefnogwch y NOSON GWIS (cadwch lygad am bosteri) ym mis Tachwedd.
Rhowch gynnig ar greu slogan ar y grwp Facebook - bydd y gorau’n cael ei argraffu ar grysau-T ac ar nwyddau eraill a fydd yn cael eu gwerthu.
Tynnwch lun o olygfa leol ar gyfer y gystadleuaeth ffotograffiaeth - bydd lluniau’r enillwyr yn cael eu cynnwys yn y Rhaglen Swfenîr.
Ymwelwch â’n stondin yn Ffair Nadolig Bethlehem ar Ragfyr 5ed.
Prynwch fwg neu grys-T, neu raglen swfenîr.
Noddwch y sioe, neu i hysbysebu yn y Rhaglen Swfenîr - cysylltwch â dyer-j4@sky.com neu lynne.jones@beechdaviesjones.co.uk i gael manylion pellach.
Gwirfoddolwch i fod yn Stiward ar noson y sioe.

Pryd alla i wylio Seren Bethlehem?

Bob nos Sul am 7.30pm, yn dechrau ar Dachwedd 15fed am 7 wythnos ar S4C.

Pwy sy’n cymryd rhan yn Seren Bethlehem?

Wynebau lleol y byddwch yn eu hadnabod - aelodau o Glybiau Ffermwyr Ifainc yr ardal, corau lleol, disgyblion ysgolion cynradd ac uwchradd, siaradwyr Cymraeg a dysgwyr. Bydd enwau’r holl gast i’w gweld yn y Rhaglen Swfenîr.

Ble fydd y cynhyrchiad yn cael ei lwyfannu?

Yn Llety Cadog (hen sied y co-op yn Llangadog) drwy garedigrwydd Mr. Hefin Roberts. Mi fydd y sioe fyw ar Rhagfyr y 13ddeg ac mi fydd yn cael ei ddarlledu ar Noswyl Nadolig.

Pryd alla i brynu tocynnau?

Cyn bo hir! Bydd tocynnau ar werth unwaith bod rhif y gynulleidfa wedi’i benderfynu. Cadwch lygad am fwy o wybodaeth yn eich Swyddfeydd Post lleol: Llanymddyfri, Llangadog a Bethlehem, ac yn siop Igam Ogam, Llandeilo. Bydd tocynnau ar werth cyn gynted â'u bod yn barod.

Methu dod o hyd i ateb? Mae’r prosiect yn symud yn gyflym iawn ac nid yw’r atebion i gyd gennym eto! Rhowch eich cwestiynau ar y safle Facebook ac fe wnawn ni ein gorau i ddod o hyd i ateb i chi cyn gynted â phosib.